منتدى كمال للعلوم العربية والإسلامية

يهتم بالعلوم العربية الأزهرية والعلوم الإسلامية عموما


    بكره هتقوم الساعه

    شاطر

    كمال أحمد زكي

    المساهمات : 96
    نقاط : 252
    تاريخ التسجيل : 04/07/2017

    بكره هتقوم الساعه

    مُساهمة من طرف كمال أحمد زكي في الجمعة سبتمبر 01, 2017 9:49 pm

    أنا كنت ماشي لحد السوق ... سمعت قال إيه في إشاعه
    بيقولوا إن الناس هتموت ... وبكره هتقوم الساعه
    فرجعت طوالي على البيت ... وناديت يا أشرف يا رفاعه
    سيبوا اللي في اديكم على طول ... دا بكره هتقوم الساعه
    اسمع كلامي انت وهو ... من غير تردد ولكاعه
    ويلا نعمل للآخره ... دا بكره هتقوم الساعه
    دا احنا نسينا الآخره كتير ... ولعبنا ساعه ورا ساعه
    وقلنا امتى الآخره تقوم ... أهو بكره هتقوم الساعه
    لازم نبيع اللي حيلتنا ... ونعيش كإننا في مجاعه
    وندي لله حقه بقى ... دا بكره هتقوم الساعه
    قالوا يا والدي اسمح لينا ... الدين حصانه ومناعه
    يا ما سمعنا كتير إشاعات ... دا بكره هتقوم الساعه
    مش معنى خوفنا من الآخره ... ودانا تصبح سماعه
    والناس تحاول تخدعنا ... ويقولوا هتقوم الساعه
    لازم يا والدي نتحقق ... ونقول دا صدق ودي إشاعه
    وبردو نعمل للآخره ... وكأن هتقوم الساعه

      الوقت/التاريخ الآن هو الخميس ديسمبر 14, 2017 4:27 am