ومرة الحلو ناداني

ومرة الحلو ناداني وقال لي تعالى عيش جنبي
أنا رديت وقلت يا ريت دا يبقى اليوم دا يوم سعدي
أعيش في الفرح واﻷحلام وأنسى دنيتي وغلبي
وينساني عذاب الشوق ويتهنى ويروق قلبي
وانا ماشي مع المحبوب كإني ماشي في الجنه
أشوف عينه أرق وادوب وأقول له دا اللي بتمنه
نسيت كل اللي بكاني وعشت معاه حياه تانيه
وقلت يا ريت يا روح الروح ما تبعدشي ولو ثانيه
وانا في عز الهنا وياه بعد عني ونسى شاني
وساب قلبي يقول الآه ويتعذب وبكاني
هعيش عمري على ذكراه ومهما قلبه ينساني
هيفضل قلبي مفتوح له واقول يمكن يعود تاني